Shqipëria është një mes 35 vendeve të listuara nga konfederata ndërkombëtare Oxfam si parajsa fiskale.
Publikimi i raportit të Oxfam është bërë disa ditë përpara se Komisioni Europian të zbulojë listën e zezë të parajsave fiskale, që do të bëhet më 5 dhjetor.
Në fund të vitit 2016 ekspertët e KE pranuan të shqyrtojnë situatën në 92 juridiksione në mbarë botën, bazuar në 3 kritere: transparenca, trajtimi i drejtë dhe pjesëmarrja në forumet ndërkombëtare të taksave.
Sipas gazetës franceze “L’Obst”, në këtë raport përveç Shqipërisë janë dhe: Bosnje e Hercegovina, Gjibraltari, Luksemburgu, Irlanda, Holanda, Malta, Xhersi, Bahamasi, Bermuda, Emiratet e Bashkuara Arabe, ishujt Maurishus, Hong Kongu, Singapori dhe Tajvani.
a.ç
