Agjencia Ndërkombëtare e Energjisë njoftoi se çmimi i karburantit do të vazhdojë rënien në treg, pavarësisht stabilitetit të përkohëshëm.
IEA tha sot se çmimet e ulëta do të vazhdojnë deri në vitin 2016, ndërsa theksoi se tregjet nuk janë në gjendje të absorbojnë sasitë e mëdha të naftës që po prodhohen dita-ditës.
Por në Shqipëri çmimi jo vetëm që nuk ulet, por në ditë të veçanta pëson edhe rritje. Pavarësisht se në tregun ndërkombëtar ulja e çmimit të naftës po ndodh prej kohësh, në vendin tonë nuk ka asnjë sinjal.
Qeveria shqiptare paralajmëroi dy muaj më parë nisjen e një aksioni mbi karburantet për të kontrolluar cilësinë e tregtimit dhe ligjshmërinë, por sa i përket çmimit të lartë askush nuk është shprehur.
