Në një raportim special, gazetari Ari Melber shpjegon sesi demokratët arritën një fitore vendimtare në zgjedhjet e mesmandatit në nëntor 2018.
Sipas tij, ata fituan më shumë vende në Shtëpi sec kanë pasur në 40 vite.
Përmes shpjegimit të mëposhtëm, gazetari i MSNBC analizon mitin e qeverisë së ndarë dhe tregon sesi amerikanët në fakt, përmes votës popullore, treguan se preferojnë një president demokrat në 6 nga 7 garat presidenciale, njofton Javanews.
“Fakti është që demokratët morën shumë më shumë vota sesa Trump. Kjo valë blu në Dhomën e Përfaqësuesve ishte historike. Po të shohim që nga viti 1976, kjo është fitorja më e madhe pasi demokratët morën 35 vende” – thotë Melber teksa pasqyron me një grafik shifrat.
Sipas analistit, një shembull është ai i kontrollit të armëve. Sipas sondazheve, 94% e qytetarëve kërkojnë kontroll mbi armët, ndërsa Senati që dominohet nga republikanët nuk e reflekton kërkesën e publikut.
“Le të marrim një shembull. Nëntë nga 10 amerikanë e mbështesin kontrollin e armëve. Epo nuk është e qartë pse Senati nuk e reflekton këtë” – thotë Melber.
Ai merr gjithashtu shembull fitoren e zbehtë të Donald Trump.
“Ditën e parë që hyri në Shtëpinë e Bardhë, Donald Trump kishte një mbështetje të ulët. Më saktë, ishte presidenti i parë në histori që ishte zgjedhur me aq pak vota. Dhe ky trend vijoi edhe në këto zgjedhje që treguan mbështetjen e ulët në publik që ai ka” -thotë analisti Ari Melber në MSNBC.
/JavaNews/b.d
