Në aeroportin e Kanadasë ka mbërritur sot familja mbretërore e Cambridge, dhe princi i vogël edhe një herë ka tërhequr vëmendjen e të gjithëve. Princi William dhe Kate Middleton realizuan udhëtimin e tyre të tetë si çift, ndërsa për të bijën Charlotte ishte udhëtimi i parë.
Kryeministri i Kanadasë, Justin Trudeau, bashkë me bashkëshorten e tij Sophie, mirëpriti në aeroport familjen mbretërore. Princi i vogël gjatë zbritjes nga avioni dukej pak i shqetësuar e për këtë nuk e lëshoi për asnjë moment dorën e të atit, ndërkohë që Kate, duke mbajtur në krahë të bijën, i fliste vazhdimisht për ta qetësuar.
Aparatët fotografikë nuk pushonin kur kryeministri kanadez u afrua për të përshëndetur princin George, ndërkohë që u ul në gjunj. Po, pas shfaqjes së tij me rrobdishan para Obamës, George bëri edhe kryeministrin kanadez të përulej përpara tij./class
