Astrologja Meri Gjini ka bërë parashikimin e horoskopit për javën në emisionin “Mes’dritë”.
Pas pozicionimit planetar të javës së shkuar, kemi një hyrje të trefishtë (Marsi, Mërkuri dhe Saturni) që sjell interferenca të forta deri të martën. Faktori i të papriturave do të jetë prezent deri në datën 24, kur Venusi bashkohet me Uranin.
Kjo do të sjellë lajme shumë të mira për ekonominë për disa, ndërsa për të tjerët do të rregullojë atmosferën emocionale. Kujdes me axhendën e udhëtimeve; më e mira është të organizoheni pas datës 26 prill. Gjithashtu, jepuni rëndësi fëmijëve, pasi ata kanë pasiguri dhe nevojë të dëgjohen. Me kalimin e Diellit te Demi, do të kërkojmë siguri te shtëpia, dashuria dhe ekonomia.
Parashikimi për secilën shenjë:
Dashi: Kjo hyrje e trefishtë ndodh në shenjën tuaj. Pritni informacione të rëndësishme praktike në telefon. Është moment i shkëlqyer për marrëveshje, firma dhe premtime që lidhen me zhvillimin tuaj praktik. Bëni kujdes me komunikimin; mos përdorni fjalë të rënda me njerëzit e dashur që të shmangni keqkuptimet.
Demi: Dielli është zyrtarisht te ju dhe ka nisur muaji i ditëlindjeve tuaja me energji të re Bashkimi i Venusit me Uranin në mes të javës do të sjellë lajme të mira për ekonominë, sidomos për ata të dhjetëditëshit të fundit. Do të ketë surpriza edhe në njohjet e reja. Java do të nisë me pikëpyetje, por do të mbyllet me buzëqeshje.
Binjakët: Kryefjala e javës do të jetë ndihma dhe mbështetja për njerëzit e familjes ose miqtë e ngushtë. Në mes të javës, do të keni mundësi të mira për të zgjidhur çështje ekonomike. Mund të ketë surpriza si fshirja e një borxhi, rregullimi i një detyrimi ose marrja e një pagese më shpejt se sa pritej.
Gaforrja: Jeni shumë seriozë në mendime, veçanërisht për statusin dhe detyrimet profesionale. Do të keni propozime ose kërkesa të momentit të fundit. Duhet të menaxhoni mirë humorin dhe kohën që të shfrytëzoni këtë periudhë. Rezultatet në fund do të jenë shumë më të larta nga sa i prisni.
Luani: Tregoni kujdes me shëndetin, veçanërisht me virozat e kohës që mund t’ju çorientojnë. Keni zhvillime favorizuese në punë. Këshilla është të mos i refuzoni menjëherë propozimet që ju vijnë, por t’i studioni mirë, sepse mund të mos ju vijnë sërish të ngjashme së shpejti.
Virgjëresha: Pozicioni i Diellit te Demi do ta bëjë të përditshmen tuaj më të lehtë. Bashkimi i Venusit me Uranin do të zbehë pasiguritë dhe paqartësitë në projektet tuaja profesionale. Edhe pse presioni i punës vazhdon, java do të jetë shumë më lehtësuese se ditët e kaluar.
Peshorja: Axhenda juaj do të përcaktohet nga të tjerët, por do të merrni vlerësim maksimal. Është moment i mirë për të rritur vlerat profesionale, CV-në dhe për të promovuar veten. Shfrytëzoni çdo propozim apo diskutim për të zgjeruar bazën e punës suaj.
Akrepi: Do të keni momente me ngjyra të forta emocionale dhe ekonomike, sidomos për zgjidhjen e çështjeve me të tretë. Bëni kujdes me tonin e zërit dhe reagimet me bashkëpunëtorët në ambientet e punës, veçanërisht sot dhe nesër paradite. Jeni ndër shenjat më të favorizuara për dashurinë.
Shigjetari: Karriera juaj ka marrë ecurinë për lart dhe do të ndjeni siguri e qëndrueshmëri. Kujdes me axhendën e lëvizjeve sepse mund të ketë vonesa apo anulime, por do të rregullohen pa humbje. Tregoni kujdes me shpenzimet e momentit të fundit.
Bricjapi: Pritni zgjidhje të rëndësishme për shqetësimet profesionale. Diskutimet e sotme do të jenë shumë lehtësuese për stresin që keni pasur. Dielli te Demi ju favorizon në sigurinë ekonomike të së përditshmes dhe përmirëson raportet personale.
Ujorët: Këshilla për të dëgjuar fëmijët vlen më shumë për ju; gjeni kohë për të biseduar me pasardhësit pavarësisht moshës së tyre. Nëse keni vendime të rëndësishme, shtyjini për pas të mërkurës për të shmangur ngarkesat emocionale. Mësoni të thoni edhe “jo”.
Peshqit: Do të ndjeheni të lehtësuar dhe do të merrni informacione shumë të mira për sigurinë ekonomike nga mesi i javës. Sot dhe nesër kërkohet mendim racional në veprimet tuaja, duke lënë mënjanë emocionet. Kujdes me sistemin imunitar dhe virozat.
Shenjat më të favorizuara: Shenjat e Ujit (Gaforrja, Akrepi, Peshqit) do të ndjejnë lehtësim të madh. Shenjat e Tokës (Demi, Virgjëresha, Bricjapi) do të jenë produktiv. Shenjat e Ajrit dhe Zjarrit janë në një ritëm me mbingarkesë, por po ndërtojnë një strukturë të mirë për të ardhmen.
