Sali Berisha ka reaguar në rrjetet sociale në lidhje me sulmin me armë zjarri që ndodhi ndaj godinës së Top Channel, ku për pasojë humbi jetën roja i objektit.
Berisha e quan një akt kriminal të shëmtuar sulmin ndaj Top Channel dhe vrasjen e rojes së objektit dhe i shpreh ngushëllimet familjes së viktimës, miqve, të afërmve dhe kolektivit të Top Channel.
Ai thotë se kjo ngjarje sipas tij është një “dëshmi tjetër e dhimbshme e pasigurisë së plotë që ekziston sot në vend nga vendosja e regjimit në duart e krimit”.
“Një akt kriminal i shëmtuar. Sulmohet me armë zjarri Top Channel dhe ekzekutohet në kabinën e tij roja e objektit. Dënoj me ashpërsinë më të madhe këtë akt të shëmtuar kriminal dhe i shpreh ngushëllimet e mia më të ndjera familjes së viktimës, miqve, të afërmve dhe kolektivit të Top Channel. Denoncoj këtë akt kriminal, si dëshmi tjetër e dhimbshme e pasigurisë së plotë, që ekziston sot në vend nga vendosja e rendit nga regjimi në duart e krimit”, shkruan krydemokrati Berisha.
Kujtojmë se dy ditë më parë Berisha volli vrer nga Top Channel në një konferencë me gazetarët.
“Publikime të besueshme me dokumente autentike, faktojnë se televizioni kombëtar Top Channel, në një aksion, në një veprim tërësisht obskur, tërësisht jotransparent, në shkelje flagrante të ligjeve të vendit, rezulton se në prag të fushatës, i është shitur një shtetasi, i quajtur Uestern Media, në Belizë, me çmimin 9 milionë dollarë” – tha Berisha të premten ndër të tjera.
/a.r
