Presidenti amerikan dhe udhëheqësi koreano-verior do të takohen në Singapor më 12 Qershor.
Njoftimi është bërë i ditur nga Donald Trump përmes rrjeteve sociale.
“Takimi me Kim Jong Un do të mbahet në Singapor më 12 Qershor. Të dy ne do të përpiqemi ta shndërrojmë këtë takim në një moment special për Paqen Boterore” – shkruan Trump.
Dyshja më herët ka shkëmbyer fyerje dhe kërcënime, por ky ndryshim diplomatik erdhi pas bisedeimeve mes Koresë së Jugut dhe asaj të Veriut.
Sot, presidenti Trump dhe nënpresidenti Mike Pence, ishin në mesin e të tubuarve për të pritur tre amerikanët e liruar nga burgjet në Korenë e Veriut, të cilët arritën në bazën ajrore Andrews afër Washingtonit.
Presidenti Trump tha se kthimi i amerikanëve të burgosur “paraqet një zhvillim shumë të rëndësishëm për vendin, njerëzit nuk kanë menduar kurrë se diçka e tillë mund të ndodhë”.
Ai e falënderoi udhëheqësin e Koresë së Veriut, Kim Jong Un, për lirimin e tre amerikanëve duke theksuar se beson që Kim dëshiron një marrëveshje për çarmatimin bërthamor të gadishullit korean.
/b.d
