Kombet e Bashkuara janë përballur me aq shumë akuza për abuzim seksual ku të përfshirë janë paqeruajtësit e saj sa që Sekretari i Përgjithshëm i OKB-së, Ban Ki Moon, kohë më parë i quajti ata “kancer të sistemit tonë”. Tani, zyrtarët kanë mësuar edhe për një skandal të ri. Hetuesit kanë zbuluar këtë muaj se së paku katër zyrtarë të OKB-së në Republikën e Afrikës Qendrore me gjasë kanë paguar femra të reja deri në 50 cent në këmbim të seksit, raporton “The Washington Post”. Ky është vetëm rasti i fundit në këtë zonë për misionin paqeruajtës së OKB-së, punonjësit e së cilit janë akuzuar edhe për 22 incidente tjera për abuzime seksuale. Skandale tjera seksuale kanë ndodhur edhe në Mali, Sudanin Jugor, në Liberi dhe në Republikën Demokratike të Kongos viteve të fundit.
Paqeruajtësit e OKB-së kanë paguar 50 cent për seks me 13 vjeçare
