Papa Françesku niset për vizitë në Kenia, Ugandë dhe Republikën e Afrikës Qendrore, si mesazher i paqes.
Shumë paralajmërime kanë mbërritur për Papën, mbi të gjitha për fazën e fundit në Bengui, por duket se për momentin, udhëtimi nuk do të pësojë asnjë ndryshim, edhe pas sulmeve terroriste të Parisit.
Dhe pikërisht nga Parisi kanë ardhur paralajmërimet më të fortë. Shërbimet inteligjente franceze kanë lajmëruar edhe një herë Vatikanin për rrezikun shumë të lartë.
Republika e Afrikës Qendrore është në paqëndrueshmëri të thellë dhe kryeqyteti konsiderohet i pasigurtë, për shkak të luftës civile dhe përplasjeve fetare.
Për më tepër, muajin e ardhshëm do të zhvillohen zgjedhjet presidenciale, që kanë si objektiv t’i jepet fund kësaj periudhe tranzicioni të vështirë që zgjat prej dy vitesh.