Papa Françesku do të vizitojë më 16 prill ishullin grek Lesbos, porta kryesore hyrëse e refugjatëve dhe migrantëve në Evropë prej gati një viti, njoftoi sot Vatikani.
Me ftesë të patriarkut të Konstandinopojës Bartolomeu, lideri shpirtëror i ortodoksëve dhe të presidentit të Republikës greke, Prokopis Pavlopoulos, kreu suprem i krishtërimit do të vizitojë ishullin për t’i shprehur migrantëve se janë të mirëpritur”, saktësoi zyra për shtyp e Selisë së Shenjtë.
“Papa vëren në krizën migratore në detin Egje, një emergjencë të rëndësishme që lidh Kishat e Krishtera në këtë rajon me shumicë ortodokse”, u shpreh zëdhënësi i Vatikanit, Federico Lombardi.
Ai do të zhvillojë një vizitë disa orëshe, me shembullin e përcjellë nga Papa në ishullin italian të Lampeduzës në korrikun e vitit 2013.
