Papa Françesku, duke folur në prag të 80-vjetorit të çlirimit të kampit nazist të përqendrimit Aushvic, tha se Holokausti nuk duhet harruar kurrë.
“Tmerri i shfarosjes së miliona hebrenjve dhe njerëzve të besimeve të tjera në ato vite nuk mund të harrohet dhe as të mohohet”, u tha sot papa besimtarëve të mbledhur në sheshin e Shën Pjetrit në Vatikan.
Më 27 janar 1945, ushtarët sovjetikë çliruan kampin gjerman të përqendrimit dhe shfarosjes në Poloninë e pushtuar nga nazistët.
Delegacione nga më shumë se 40 vende që pritet të marrin pjesë në ceremoninë kryesore në memorialin në vendin e ish-kampit.
Nazistët deportuan rreth 1,3 milionë njerëz në kamp.
Përafërsisht 1,1 milion u vranë, duke përfshirë rreth një milion hebrenj evropianë.
Papa Françesku tha se përvjetori ishte një kujtesë se ndërtimi i një bote më vëllazërore dhe më të drejtë duhet të mbetet një prioritet.
Ai tha se të rinjtë gjithashtu duhet të mësohen të kenë një zemër të hapur për të gjithë.
