Trajneri i ri i Kombëtares shqiptare, Christian Panucci gjatë prezantimit të tij zyrtar ditën e sotme premtoi se do të përpiqet të mësojë gjuhën shqipe dhe himnin e Kombëtares shqiptare.
Tekniku italian tha se ndihej i nderuar për detyrën e re dhe se do të jepte më të mirën.
“Njëkohësisht shpresoj dhe unë të lë gjurmët e mia këtu. Edhe pse botërori është pothuajse i pamundur, shpresoj të jap më të mirën në këto 4 ndeshje të mbetura. Po pres me padurim të filloj punën,” tha Panucci.
Ish-lojtari i Interit dhe Romës theksoi se gjatë kohës së lirë do të mësojë gjuhën shqipe.
“Në kohën e lirë do të përpiqem të mësoj gjuhën shqipe. Po ashtu edhe himnin kombëtar që ta këndoj në çdo ndeshje”, u shpreh ai.
a.ç
