Një shpërthim i fuqishëm ka ndodhur sot në një shkollë të mesme në qytetin suedez Karlstad.
Ola Akeson nga agjencia për situata të jashtëzakonshme në këtë qytet, ka deklaruar se “shërbimet e emergjencës dhe policia kanë dalë në vendin e ngjarjes, dhe se udhëheqësit e qytetit janë duke u përpjekur të zbulojnë shkakun se çfarë e ka shkaktuar këtë shpërthim të fuqishëm”.
Pas shpërthimit, raportohet se një objekt është përfshirë nga flaka, ndërsa godinat përreth janë evakuuar për shkaqe sigurie.
Mediat lokale raportojnë se shpërthimi i fuqishëm është dëgjuar edhe në pjesë tjera të qytetit.
