Teksa frika e sulmeve terroriste është në kulm, momente tmerri kanë kaluar një grup tifozësh në Moskë.
Një taksi ka hyrë mes një grupi tifozësh nga Meksika duke plagosur 8 persona.
Paraprakisht raportohet se drejtuesi i mjetit humbi kontrollin dhe u fut mes turmës.
Policia ka ndaluar drejtuesin e taksisë, një 28-vjeçar nga Kirgistani. Nga të dhënat e para, sipas mediave ruse, dyshohet se ai ishte në gjendje të dehur.
Policia ruse paraprakisht përjashton pistën e një sulmi terrorist.
Ngjarja e rëndë ndodhi në qendër të Moskës në “Sheshin e Kuq”.
Kjo ngjarje vjen vetëm një ditë pas ISIS kërcënoi për sulme terroriste. Edhe pse nuk ka të dhëna që ngjarja të lidhet me terrorizmin, sulmet me mjete mes kalimtarëve janë metoda të përdorura në disa raste nga terroristët ndaj edhe vigjilenca e forcave të sigurisë është në maksimum.
Gjatë ditës së sotme Departamenti Amerikan i Shtetit këshilloi qytetarët amerikanë të shmangin Rusinë në këtë periudhë.
*Në foto taksisti nga Kirgistani
