Covid- 19 u përhap në Kinë, por vendi më i goditur deri më tani nga ky virus vdekjeprurës është SHBA, një ndër vendet që ka arritur rekord botëror si për numrin e rasteve të reja ashtu edhe për numrin e viktimave.
Në 24 orët e fundit SHBA ka regjistruar numër teje të lartë të numrit të infektuarëve. Sipas mediave të huaja mësohet se të paktën 52,982 persona kanë rezultuar pozitivë me Covid-19 në 24 orët e fundit në SHBA. Këto të dhëna vijnë sipas universitetit Johns Hopkins në SHBA, institucioni që është mbështetur gjerësisht për të ndjekur të dhënat globale të viruseve.
Në Kaliforni janë rimbyllur bare dhe restorante. Guvernatori Gavin Newsom ka urdheruar gjithashtu mbylljen edhe të disa plazheve.
Rekord i ri ditor i infeksioneve gjithashtu u regjistrua në Teksas, ku rastet e reja janë më shumë se 8000 për një total prej 168 mijë vetëm në këtë shtet.
Tashmë me këtë rritje të ditës së sotme numri total i pacientëv të sëmurë ka arritur në total në SHBA tani arrijnë në 2,779,953, ndërsa viktima numërohen 130.798 që prej fillimit të shpërthimit të virusit. Ky bilanc është më shumë se dyfishi i vdekjeve të regjistruara në Brazil, që vjen në vendin e dytë.
Ndërkohë zyrtari i lartë shëndetësor amerikan Dr.Anthony Fauci ka paralajmëroi që vendi së shpejti mund të kapë 100,000 infektime në ditë, ndërkohë që sot është arritur shifra mbi 50 mijë të infektuar në ditë.
g.kosovari
