Pandeli Majko ka ndarë në rrjetet sociale një kujtim nga fillimet e karrierës së tij politike, duke postuar një foto nga zgjedhjet e vitit 1992, kur ai kandidoi për herë të parë për Partinë Socialiste. Majko shprehet se është i fundit që ka mbetur aktiv nga grupi parlamentar i PS që doli nga ato zgjedhje.
Majko është pjesë e listës së hapur të Partisë Socialiste për qarkun e Tiranës për zgjedhjet e 11 majit.
“Mirëmëngjes! Me një foto të kandidatëve të PSSH në Tiranë, në zgjedhjet e 1992! Jam i fundit, nga grupi parlamentar i Partisë Socialiste që dolën nga ato zgjedhje!
Partia Socialiste është nje mal që rri dhe shikon përkohshmërinë! MALIN nuk e bën balta! Do t’ja dalim”, shkruan ai.
