Ministri i Bujqësisë Edmond Panariti, vizitoi sot një nga komplekset e rritjes së shpendëve në rrethin e Korçës, në juglindje të vendit.
Panariti u shpreh se sektorit të shpendarisë i është dhënë mbështetje e madhe që do të vijojë edhe në të ardhmen me qëllim rritjen e prodhimit vendas.
“Në 4 vite, sektorit te shpendarisë i dhamë mbështetje të madhe. Në 4 vitet e ardhshme, do të ndikojmë në rritjen e prodhimit vendas, me qëllim uljen e importit të mishit të pulës. Ky kompleks është një investim modern, që është mbështetur dhe nga projektet e subvensioneve dhe të tjera të tilla që duan të ngrihen janë prioritet i dikasteri të Bujqesisë”, tha Panariti.
Kreu i Bujqësisë theksoi se, ministria do të jetë mbështesë investimet që i shërbejnë rritjes së prodhimit vendas dhe shtimit të fuqisë punëtore. /b.d
