Deputeti i LSI-së, Edmond Panariti, ka komentuar raportin e ‘Freedom House’, të cilin e ka cilësuar si raport me dopio standarde. I pyetur nga “syri” rreth deklaratës në këtë raport për Zgjedhjen e presidentin. Panariti theksoi se zgjedhja e Metës ishte sipas Kushtetutës, ndërsa shtoi se raporti i është referuar një deklarate të bërë nga Edi Rama.
‘Unë e ndoqa me shumë vëmendje këtë standarde dhe ky raport thotë edhe të vërteta edhe gënjeshtra. Disa fakte nuk kanë nevojë për komente siç është zgjedhja e Prokurores e cila është antikushtetuese, kanalizimi i Shqipërisë, janë dy të vërteta të faktuara.
Të tjerat që janë pjesë e raportit, ku ka dhe një dorë manipulative. Le ta fillomë me datën e zgjedhjeve ku thuhet se në 25 qershor procesi zgjedhor ishte normal, ndërkohë që kjo bie ndesh me raportet ndërkombëtare, të cilat flasin për vjedhjen votave, blerjen e tyre. Pra si mund të dalë në raport që ky proces ishte normal.
Lidhur me zotin Ilir Meta, ka një raport ku thuhet se zgjedhja e Presidentit u zgjodh tërësisht sipas kushtetutës së vendit. Ndërkohë raporti deformohet. Raporti i referohet një deklarate të bërë nga kundërshtari politik. Ndërkohë që zgjedha e presidentit u bë sipas Kushtetutës së vendit’, deklaroi Panariti.
ma.me
