Ministri i Bujqësisë, Edmond Panariti siguron fermerët se qeveria do të ndihmojë fermerët në vështirësi financiare për të shlyer kreditë.
“Të gjithë fermerët që ndodhen në vështirësi për të shlyer kreditë do të ndihmohen nga qeveria shqiptare përmes amnistisë apo ristrukturimit të tyre”- tha Panariti.
Gjatë vizitës në një fermë në Fier, Panariti tha se ne do i kthejmë fermerët në cikël prodhues, duke i çliruar ata nga këto detyrime dhe t’i bëjmë përfitues të fondit të Bashkimit Europian.
“Disa financime që janë bërë nga grandi japonez, në vitet 2000 që kanë qenë grand jo
kredi, por që qeveria e asaj kohe i përdori si kredi pa respektuar detyrimet në raport me fermerët, për lehtësirat e premtuara si pjesë e kreditimit, çoi që fermerët të mos ishin konkurues, pavarësisht se një pjesë e tyre kanë arritur të shlyejnë një pjesë të kredive
dhe ndodhen në vështirësi. Ne do i lehtësojmë ata. Ky është propozimi, ne do i kthejmë ata në cikël prodhues, duke i çliruar ata nga këto detyrime dhe t’i bëjmë përfitues të fondit të Bashkimit Europian’’, u shpreh ministri Panariti.
Ministri Panariti deklaroi se për të shmangur abuzimet me çmimet, dikasteri që ai drejton po punon për të sjellë për herë të parë në treg listën me çmimet e përcaktuara.
‘’Ne do të fillojmë një përpjekje të parë për të krijuar një treg me çmime të përcaktuara mbi bazën e ankandeve, ose ato që unë mund t’i quaj mini bursa bujqësore’’ përfundoi
Panariti.
