Këshilli Agrobiznesit Shqiptarë (KASH) organizoi të shtunën në Sarandë takimin kombëtar rajonal të agrobiznesit, për të diskutuar mbi informalitetin, paketën fiskale dhe skemat e ujitjes në sektorin bujqësor.
Të pranishëm në këtë takim ishin ministri i Bujqësisë Zhvillimit Rural dhe Administrimit të Ujrave Edmond Panariti, deputeti qarkut Gjirokastër Vangjel Tavo, nënprefekti i Sarandës Ilir Hysi, kryetari i KASH-it Agim Rrapaj, përfaqësues nga drejtoria e tatimeve, fermerë dhe agrobiznesmenë të zonës.
Ministri Panari duke marrë fjalën në këtë takim tha se, proçesi i formalizimit në bujqësi do të lehtësojë fermerët duke u mundësuar atyre akses të shpejtë tek instrumentet financuesë.
“Politikat tona, vijoj kreu i Bujqësisë synojnë lehtësimin e proçedurave tatimore për fermerin. Ndërsa kërkoi nga organet tatimore që të mos penalizojnë fermerët për shkak të mosinformimit të tyre në kohë.
“Formalizimi nuk duhet të jetë proçes pengues, por lehtësues për fermerët”-tha ministri Panariti. (java /r.a)
