Ministri i Bujqësise Edmond Panariti ka bërë ditën e sotme një prezantim të situatës së sektorit të bujqësisë në vend. Në fjalën e tij Ministri Panariti është shprehur se politika bujqësore që po ndjek qeveria, po jep rezultat veçanërisht në rritjen e eksporteve.
Duke u ndalur në embargon e vendosur nga Rusia për produktet ushqimore shqiptare, Panariti theksoi se embargoja nuk ka ndikuar aspak në sektorin e bujqësisë. Pavarësisht embargos, Ministri tha se eksportet janë rritur.
Në këtë drejtim ai u shpreh se synohet zgjerimi edhe më tej i tregjeve ku mund të eksportohen produktet shqiptare.
“Politika jonë bujqësore po jep rezultat. Embargoja ruse nuk ka pasur ndikim në tregun tonë. Madje pavarësisht embargos kemi pasur rritje të eksporteve. Synimi ynë është zgjerimi i tregut, dhe veçanërisht futja në tregun e Ukrainës.” tha Panariti
