Gjithçka filloi me një mesazh anonim, që thoshte: “Përshëndetje, unë jam John Doe, a jeni i interesuar në të dhënat..?”, shkruan gazeta britanike The Independent.
John Doe (Jane Doe për femrat) është emri që në vendet anglishtfolëse përdoret për persona me identitet të panjohur, si për shembull me humbje kujtese, apo që duan të ruajnë anonimatin.
Ky mesazh iu dërgua reporterit të gazetës gjermane Süddeutsche Zeitung, Bastian Obermayer, i cili u përgjigj menjëherë, duke i thënë se ishte i interesuar.
Ajo që pasoi ishte pothuajse e paimagjinueshme: “Doe filloi të dërgojë fotografi të 11.5 milionë dokumente, me të dhëna të digjitalizuara të katër dekadave nga një firmë panameze e ligjit që ishte e specializuar në krijimin e kompanive offshore për klientët e pasur”.
Të dhënat që Doe ua dërgoi gazetarëve në vitin 2014 shkaktuan një projekt të veçantë bashkëpunimi në mesin e gazetarëve në mbarë botën. Përpjekja arriti kulmin kur dhjetëra agjenci të lajmeve filluan botimin e artikujve për “Panama papers”, skandal ky financiar ku ishte e përfshirë elita botërore.
Pas më shumë se një viti që nga kontakti i parë me Doe, dy gazetarët gjermanë ende nuk kanë ide se kush është burimi i tyre.
