Mbi 30.000 kompani nga brenda dhe jashtë vendit pritet të jenë të pranishme në sesionin e 136-të të Panairit të Importit dhe Eksportit të Kinës, i njohur si Panairi i Kantonit, i cili do të zhvillohet në Guangzhou në tre faza midis 15 tetorit dhe 4 nëntorit, njoftoi Ministria e Tregtisë, citon “Xinhua”.
“Panairi do të përfshijë 55 zona ekspozimi që mbulojnë 1.55 milionë metra katrorë. Përafërsisht 390.000 produkte dixhitale dhe inteligjente pritet të shfaqen në këtë sesion, një rritje me 300 për qind nga edicioni i 135-të i panairit.
Numri i produkteve të gjelbra dhe me karbon të ulët pritet të rritet me 130 për qind nga sesioni i mëparshëm”,- deklaroi zyrtari i ministrisë Xiao Lu.
Prej së mërkurës, rreth 125.000 blerës jashtë shtetit nga 203 vende dhe rajone kanë shprehur gatishmërinë për të marrë pjesë në panair.
Një rekord prej mbi 750 aktivitetesh për promovimin e tregtisë do të mbahet në këtë sesion, krahas rreth 400 aktiviteteve për lançimin e produkteve të reja, një rritje prej mbi 30 për qind nga panairi i mëparshëm.
Funksionet e platformës online për Panairin e 136-të të Kantonit janë optimizuar më tej, sipas ministrisë, duke vënë në dukje se 48.000 kompani kanë ngarkuar 3.75 milionë produkte në platformë, me të dyja këto shifra që kanë arritur nivelet më të larta historike.
