Partia Demokratike ka ftuar simpatizantë e saj në protestë për të protestuar kundër qeverisë.
Por përtej kësaj, ajo që vihet re është se mbështetësit e kanë braktisur në masë.
ABC News sjell pamjet me dron nga lart ku shihet një situatë e vakët.
Militantë të PD-së janë mbledhur para selisë së Partisë Demokratike (17:00) në pritje për të nisur marshimin drejt kryministrisë ku do të mbahen dhe fjalimet. Dy drejtuesit kryesorë të opozitës, Sali Berisha dhe Ilir Meta në hetim nga SPAK edhe për korrupsion i kanë bërë thirrje mbështetësve të marrin pjesë në protestë. Berisha u premtoi aleatëve se nëse do të fitonte zgjedhjet ‘do të çmontonte SPAK” i cili po e heton për korrupsion për aferën e privatizimit të sport klub Partizanit.
Ndërkohë për kryeministrin Edi Rama protesta është pasqyrë e alternativës së kalbur të opozitës, e cila më 11 maj duhet braktisur. Në një reagim në rrjetet sociale, pak orë para protestës kreu i qeverisë thotë se arsyeja e thirrjes së kësaj proteste, janë broçkullat e Arben Ahmetajt ndërsa demokratëve u kërkoi të braktisin Berishën
PD ka kërkuar 3 orë leje për protestën para kryeministrisë. Nga ora 17:00 deri në orën 20:00 para Kryeministrisë. 1 mijë efektivë angazhohen për të ruajtur rendin e sigurinë.
