Pamje të tmerrshme vijnë nga Siria, ku tërmeti i dy ditëve më parë me epiqendër në Turqi ka shkaktuar dëme të mëdha edhe aty.
Në pamjet e publikuara në Twitter, në qytetin e vogël sirian Jidayris janë shkatërruar rreth 50 ndërtesa.
Video e publikuar nga “Helmetat e Bardha” tregon shkatërrimin që ka lënë pas tërmeti në Jidayris.
“Një situatë katastrofike, shkatërrim kudo. Qindra familje janë ende nën rrënoja dhe ekipet tona po punojnë me gjithë forcë në vendet e shkatërruara”, shkroi në Twitter Raed al-Saleh, kreu i “Helmetave të Bardha”.
Të martën, një mjek në një spital të zonës tha se një vajzë e sapolindur ishte nxjerrë gjallë nga gërmadhat. Ndërsa babai, nëna, 4 vëllezërit e motra si dhe halla e vogëlushes nuk mbijetuan.
Në Siri janë mbi 2500 të vdekur dhe më shumë se 4 mijë të plagosur nga tërmeti shkatërrimtar.
/a.r
هيبة الموت…. وضجيج البحث الحياة
جنديرس في ريف #حلب اليوم الثلاثاء الثلاثاء 7 شباط، أثناء البحث عن ناجين تحت الأنقاض بعد زلزال مدمر ضرب شمال غربي #سوريا أمس الاثنين 6 شباط. #الخوذ_البيضاء #زلزال_سوريا #سوريا pic.twitter.com/Rp0ZpxnWmP— الدفاع المدني السوري (@SyriaCivilDefe) February 7, 2023
