Imazhi satelitor nga Observatori Kombëtar i Athinës mëngjesin e sotëm ka bërë një panoramim të situatës në Mesdheun Lindor.
Një numër i madh i zjarreve në pyje janë në progres, kryesisht në Greqi dhe Turqi duke lëshuar sasi të mëdha të grimcave në hapësirë. Tymi vijon të përhapet qindra kilometra larg zjarreve duke arritur deri në Afrikën Veriore.
Përqendrimi i pluhurit mbi Greqi është shumë i lartë duke ulur cilësinë e ajrit. Në shumë zona për shkak të prezencës së lartë të grimcave vërehet mjegull.
Përmirësimi i kësaj situate pritet të nisë nga dita e premte me forcimin e trysnisë së erërave që do të largojnë grimcat nga ajri.
Ndërkohë zjarrfikësit vazhdojnë të luftojnë me flakët në Ilia të Greqisë dhe veçanërisht në frontin e pranë Olimpit të lashtë. Informacioni i fundit thotë se zjarri arriti një kilometër nga muzeu i Olimpisë së Lashtë, në një linjë paralele.
Qëllimi i brigadës së zjarrfikësve është të parandalojë që zjarri të arrijë në Akademinë Olimpike Ndërkombëtare dhe muzeun arkeologjik. Në të njëjtën kohë ndërprerjet e energjisë raportohen në zonën më të gjerë.
Sipas Prototthema, zjarrfikësit bëjnë një përpjekje mbinjerëzore për të ndaluar pjesën e përparme, në mënyrë që të mos kalojnë Kodrën Cronus.
Në rajon veprojnë 160 zjarrfikës, 50 automjete, 6 grupe ushtarësh, të cilët vazhdojnë të ‘luftojnë’ me flakët, ndërsa orët e ardhshme priten ndihma të reja nga forcat zjarrfikëse, pasi zjarrfikësit mbërritën dhe nga rajone të tjera të vendit.
g.kosovari
