Të shtëna me armë kanë tronditur sot Tiranën. Një person ka mbetur i vrarë dhe një tjetër i plagosur në një lokal shumë pranë Gjykatës së Tiranës.
I plagosur ka mbetur ish-prokurori Adriatik Cama i shkarkuar nga Vettingu. Cama ka qenë prokuror i çështjes së 21 janarit, teksa akutalisht punon si avokat. Madje ai përfaqëson policin Nevaldo Hajdaraj, i akuzuar për vrasjen e Klodian Rashës. Policia ka identifikuar autorin dhe është vënë në ndjekje të tij.
Nga të dhënat e para, mësohet se babai ka vrarë ish-dhëndrin i cili ishte në proces divorci me vajzën e tij, ndërsa avokati Cama ka qenë me ta. Autori është Mexhit Picari i cili ka vrarë shtetasin Kudret Saliaj.
Më poshtë foto e avokatit të plagosur dhe viktimës.
/a.r
