Ndeshja mes Ganzhu dhe Dazheon Sitizen ka rrezikuar të kthehet në një tragjedi duke qenë se talenti 20-vjeçar i Ganzhus, Li Seung-Mo ka pësuar një dëmtim horror duke u larguar me urgjencë në drejtim të spitalit.
Ai kërceu një moment për të kapur topin me kokë, por rënia e tij ka qenë e tmerrshme duke qenë se futbollisti ka rënë direkt me qafë në tokë, duke pësuar frakturë në 3 kocka.
Menjëherë është shoqërua në spitalin e qytetit aty ku i është dhënë një ndihmë më e specializuar dhe fatmirësisht, përveç frakturave në qafë dhe në gisht, nuk ka probleme të tjera me kokën.
Fillimisht u mendua të ketë marrë një goditje të rëndë në kokë, duke qenë se futbollisti kishte humbur edhe memorien por nga ekzaminimet është arritur në përfundimin se gjithçka ka përfunduar me aq.
Futbollisti duhet të qëndrojë 3 javë në spital për riaftësim e më pas, do të duhet të pushojë për një afat 3 mujor deri në riaftësimin e plotë.
Këtë gjë e ka pranuar vetë zëdhënësi për shtyp i klubit i cili shprehet se dëmtimi ka qenë disi i rëndë, por fati ka dashur që të mos rrezikojë më shumë. /b.d
