Sali Berisha ka reaguar pas incidentit në Kuvend, ku deputeti i PD Edi Paloka, sulmoi kryeministrin Edi Rama duke i hedhur bojë në drejtim të tij.
Berisha nuk shpreh perndim për aktin e Palokës Kuvend, por shtoi se Rama e meriton, pasi është një sharës i lindur.
Ish-kryeministri foli dhe për protestën e 16 shkurtit, duke thënë se të gjithë shqiptarët do të vijnë në Tiranë për të rrëzuar qeverinë Rama.
“Nuk mundet që krye i pseudomaxhrancës të fyejë dhe ofendojë. A e dëgjuat cfarë i tha, merri shifni kamerat se cfarë i tha, a mund të fyet kryetari i opozitës nga kryeministri si me qen rrugaç.
A e kuptoni apo jo, edhe sot këtë ditë sigurisht kryetari i opozitës shprehu mendimin e opozitës dhe nuk i bëri asnjë fyerje personale, kurse ai u lëshua me gojështhurjen e tij, me fjalë ofenduese, duhet të marrë fund njëherë e mirë ofendimi dhe sharjet se është ai sharës i lindur ai nuk ka kusur opozita.
Nuk ka gjë më të rëndë se kryetari i qeverisë që del e shan opozitën, vetëm me Maduron ndodh kjo. Çfarëdo tu hedhësh këtyre, këta janë të pafytyrë”- tha ai.
