Kryetari i grupit parlamentar të PD, Edi Paloka ka zhvilluar sot një takim me krerë të AK për të organizuar protestën e 18 shkurtit.
Paloka në fjalën e tij tha se duke vazhduar të gjithë bashkë, me 18 shkurt do të realizojmë qellimet tona politike.
“Jam këtu për t’ju përciellë mesazhet e kryetarit të PD-së, Lulzim Basha. Shoh këtu parullën “Rama ra” dhe në fakt ka rënë se shqiptarët janë të varfëruar. Ai u thote shqiptarëve se do jem sërish aty pas 18 qershorit. Ne jemi këtu me AK për të qenë në shesh me 18 shkurt bashkë me partitë e tjera aleate. Prandaj të gjithë bashkë me 18 shkurt shkojmë jo për të bërë shetitje, pasi Shqipëria do te njohe protestën më të madhe të historisë dhe do të jetë largimi i qeverisë”, tha Paloka.
Me tej, Paloka shtoi se “Do bashkohen me ne të gjithë ata që janë në grevë urie, do bashkohen të gjithë ata që kanë kuptuar se nuk mund të ecet më me këtë qeveri”. /b.d
