Kryetari i Partisë Demokratike, Lulzim Basha, ka zhvilluar sot në selinë e PD-së një takim me profesioniste të rinj.
Në fjalën e tij, Basha, u shpreh se duke qenë bashkë, nuk ka asnjë të keqe qe mund të na ndale, nuk ka qeveri të korruptuar që mund te dale para bashkimit të shqiptarëve
“Shembullin e fundit në Rumani e ka parë e gjithë bota, por jam i sigurt që shqiptarët, rinia shqiptare, nuk mund të jene indiferente para këtij shembulli se në çdo kuptim, është po aq edhe më perendimore edhe më e aftë dhe me krijuese. Mundësia dhe detyra ime, detyra e të gjithëve bashkë, është t’i tregojmë çdokujt e në vecanti rinisë, profesionistëve, ekspertëve të rinj që vijnë sot këtu, si një shenjë besimi dhe si një Parti Demokratike e ndryshuar dhe e hapur, eshte e gatshme për të marrë përgjegjësitë e një rruge tjetër për Shqipërinë”, tha Basha.
Me tej, Basha, tha se “Unë jam produkt i kësaj hapje, hapjes së Shqipërisë, hapjes së PD-së. Jam i ndërgjegjshëm për këtë dhe këtë shans të keni ju dhe të gjithë shqiptarët, për një Shqipëri vitale energjike, që nuk toleron të keqen, që ngrihet dhe rrëzon të keqen dhe ndërton të ardhmen me besim te forcat e veta”.
“Sot në këtë ditë, në Partinë Demokratike, në shtëpinë e lirisë, të ndërtojmë një model parimesh me të cilin pastaj të zhdukim këtë infeksion të së keqes dhe t’i japim Shqipërisë dhe shqiptarëve besim tek e nësërmja që po vjen. Ndryshimi po vjen”, theksoi Basha. /b.d
