Deputeti i Partisë Demokratike, Edi Paloka është shprehur pesimist lidhur me situatën e krijuar brenda PD-së. Pas mbledhjes së sotme, në një prononcim të shkurtër, Paloka tha se gjendje brenda grupit të partisë nuk ishte normale dhe për këtë arsye nuk mund që të bënin detyrën e tyre si opozitë e vendit.
“Çështje të zakonshme. Unë qëndrimin tim për këtë parlament e kam thënë që ditën e parë. Nuk bëjmë dot të paditurin sikur situata është krejt normale.
Nuk jemi në një situatë krej normale. Sa të jetë kjo situatë do të jetë e vështirë për t’u bërë opozitë. Më vjen keq,”-tha Paloka.
Ndërkohë që Paloka është një nga deputetët që është parë pranë ish-kryeministrit Sali Berisha, pasi ky i fundit u përjashtua nga grupi parlamentar demokrat me vendim të kryetarit Lulzim Basha. Lëvizja e Bashës duket se ka prishur balancat brenda PD-së, duke i ndarë demokratët në dy kampe.
