Përmes një deklarate për median, kreun i grupit parlamentar të PD-së Edi Paloka ka akuzuar kryeministrin Edi Rama në lidhje me çështjen e shumëdebatuar të Escobarit të Ballkanit.
Sipas Palokës, konfirmimi se Edi Rama nuk do të jetë i pranishëm në mbledhjen e së premtes, e thirrur nga Meta dhe pranuar nga Nishani, të Këshillit të Sigurisë Kombëtare për Balilin, tregon frikën e kryeministrit ndaj bosit të drogës.
Paloka pyet kryeministrin se nga çfarë ka frikë ai.
“Çfarë di Edi Rama për Klement Balilin që refuzon të japë informacion?
Pse ka frikë Edi Rama të ballafaqohet? A po e mban peng Klement Balili, Edi Ramën?
Klement Balili është dëshmi e kontrollit të krimit mbi qeverinë, është dëshmi e bashkqeverisjes së Edi Ramës me krimin. Krimi e solli në pushtet, me krimin po e mban pushtetin dhe përmes krimit shpreson ta rimarre atë.
Ne nuk mund ta lëmë vendin peng të krimit, peng të Rames, Balilëve, Habilëve, Tahirëve, Lul Berishës, Shullazit, ndokëve, roshëve, bushëve, etj. Ja përse me 18 shkurt, ne duhet të bashkohemi për të ndalur këtë të keqe e për ti hapur rrugë zgjedhjeve të lira dhe të ndershme.”– tha Paloka./java/a.k
