Pavarësisht se i pari që ka formuluar mundësinë për të djegur mandatet ka qenë ish Kryeministri Sali Berisha, kreu i grupit parlamentar të PD-së Edi Paloka ka thënë se kjo ide nuk ka qenë vetëm e tij apo e deputetes Jozefina Topalli. Edi Paloka ka deklaruar se ideja e djegjes së mandateve ka qenë njëra ndër opsionet e shumta që është diskutuar në mbledhjet e grupit parlamentar të PD-së.
Përtej kësaj, vetë Kreu i grupit parlamentar të PD-së e ka cilësuar djegien e mandateve si një masë ekstreme.
Ndërkohë, demokratët braktisën Kuvendin të enjten dhe kanë paralajmëruar se do vazhdojnë me këtë qëndrim.
