Kryetari i grupit parlamentar të Partisë Demokratike, Edi Paloka, tha se është kapur në Durrës me 70 kg drogë Islam Ymeraj, vëllai i Drejtorit të Tatimeve të Dibrës, Dionis Ymeraj.
“Lajmi i fundit vjen nga Durrësi. Sapo është kapur me 70 kg drogë vëllai i kreut të Tatimeve të Dibrës. Është Islam Ymeraj, vëllai i drejtorit të Tatimeve të Dibrës, Dionis Ymeraj. Vëllai i dytë që ndalohet me drogë. Pas Robert Agës, vëllai i shefi të komisariatit të Dibrës”, u shpreh Paloka.
I menjëhershëm ishte reagimi i Ministrit të Brendshëm, Saimir Tahiri, i cili përgënjeshtroi Palokën, duke deklaruar tha se kryetatimori i Dibrës nuk ka vëlla. Tahiri sqaroi gjithashtu se aksioni antidrogë në Durrës është zhvilluar dy ditë më parë.
“Vëllai i Tatimeve të Dibrës nuk ka vëlla. Aksioni është zhvilluar dy ditë më parë dhe është regjistruar filmimi. Je me dy ditë vonesë. 48 orë vonesë. Për opozitën është e pafalshme”, tha Tahiri.
