Nënkryetari i Partisë Demokratike, Edi Paloka e cilëson si fitore të PD-së, sipas së cilit 85% e shqiptarëve bojkotuan zgjedhjet.
Ndonëse KQZ ka publikuar % zyrtare të pjesëmarrjes, PD i referohet shifrave të tyre, duke thënë se shqiptarët nuk votuan talljet dhe përbuzjet e Edi Ramës.
“Shqiptarët sot i thanë jo marrëzisë, krimit dhe korrupsionit të Edi Ramës. Ky ishte referendumi i shqiptarëve kundër Edi Ramës. Në mënyrë plebishitare 85% e shqiptarëve refuzuan të keqen, shkatërrimin e pluralizmit, refuzuan talljen dhe përbuzjen e Edi Ramës. Ky është një moment përgjegjësie dhe reflektimi për opozitën, për t’ju përgjigjur zërit Europian të shqiptarëve.
Nuk mund të jenë në krye të bashkive, kukullat e Edi Ramës, ata që morën pjesë në farsën zgjedhore të PS dhe u refuzuan masivisht nga shqiptarët. Zgjedhjet e parakohshme parlamentare dhe lokale, zgjedhje të lira dhe të ndershme, është tashmë rruga e vetme për të dalë nga kriza ku është përfshirë Shqipëria”, shkruan Paloka.
