Filmi i regjisorit francez Jacques Audiard “Dheepan” meritoi në këtë edicion çmimin e fituesit kryesor “Palma e Artë” në Festivalin e 68-të Ndërkombëtar të Filmit në Kanë. Zgjedhja e jurisë, e cila këtë vit drejtohej nga dyshja regjisoriale amerikane, vëllezërit Ethan dhe Joel Cohen, ishte befasuese, lajmëruan agjencitë botërore.
Filmi flet për tre qytetarë të Shri Lankës, të cilët aktrojnë sikur janë familje, për të ikur nga vendi i përfshirë me luftë dhe për t’u vendosur në Francë. Çmimin e dytë e fitoi filmi debutues i regjisorit hungarez Laszlo Nemes, “Djali i Saulit”, ndërsa i treti i takoi grekut Jorgos Lantimos, për rrëfimin e dashurisë “Karavidhja” me protagonistë yjet Colin Farrell dhe Jessica Ëeisz.
Regjisor më i mirë i Kanës 2015 u shpall tajvanezi Hou Hsiao-hsien për filmin e aksionit “The Assassin” (“Vrasësi”).
Aktori francez Vincent Lindon e fitoi çmimin për rol më të mirë të mashkullit, në filmin “La loi du marce” (“Masa e një njeriu”) të regjisorit Stephane Brize.
