Do të ketë një polic për çdo ballkon të pallateve që janë rreth stadiumit “Elbasan Arena” për ndeshjen e 8 tetorit ndaj Serbisë. Në një deklaratë për mediat, policia renditi disa nga masat e ndërmarra për një mbarëvajtje të kësaj ndeshje.
Masa të rrepta në drejtim të qarkullimit rrugor, të kontrollit të tifozëve në hyrje për në stadium, por edhe të atyre që s’do mund të hyjnë dot. Masa në lartësitë e pallateve nga forcat “Renea”. Masa për ballkonet e pallateve përreth stadiumit. Asnjë kryefamiljar nuk mund të fusë në banesë përveç familjes se tij. Askush të mos bëjë asnjë tentativë, pasi çdo banesë përreth stadiumit do kontrollohet imtësisht dhe çdo ballkon do ketë punonjës policie.
Masa sigurie për skuadrën mike dhe miqtë që do vijnë nga Serbia. Masa edhe nga ajëri për ndonjë të papritur. Këto masa jo për të frenuar apo penguar tifozët. Aspak. Masat për mbarëvajtjen e ndeshjes duke i ardhur në ndihmë skuadrës kombëtare dhe vendit tonë.
Nga një llogaritje nëse merret se një pallat 10 katësh ka për çdo kat nga 2 ballkone në drejtim të stadiumit, do të jenë në total 80 policë nëpër ballkonet e katër pallateve.
Dy javë më para Java News, duke cituar burime nga SHISH dhe efektivë të antiterrorit raportoi për këto probleme që e kanë bërë me dhimbje koke drejtuesit e FSHF-së dhe autoritetet e sigurisë. Një tjetër shqetësim për ndeshjen e 8 Tetorit në Elbasan Arena mes Shqipërisë e Serbisë është dhe shitja e biletave në treg të zi, që kanë kaur shifëra marramëndëse, deri në 2 mijë euro.
