Ashtu siç ishte paralajmëruar Komisioni i Ligjeve për shqyrtimin e kandidaturave për zgjedhjen e presidentit të ri të vendit ka konstuar që nuk ka kandidatë për president dhe raundi i parë do të konsiderohet i bërë. Ndërsa pasdite në orën 17.00, Kuvendi i Shqipërisë zhvillon raundin e parë të votimit. Afati i partive për të paraqitur propozimet ishte ditën e djeshme, por nuk kishte asnjë emër në diskutim.
‘Komisioni i Ligjeve mblidhet për të shqyrtuar kriteret kushtetuese pas paraqitjes së emrave. Sipas njoftimit nga drejtoria përkatëse Kuvendit deri dje nuk është paraqitur asnjë kandidaturë për president të Republikës. Raundi i parë konsiderohet i kryer pa votim. Për efekt të rregullores ne do të na duhet që ta konstatojmë këtë fakt, për t’ja paraqitur më par Kuvendit.’- tha Klotilda Bushka, kryetare e Komisionit.
Për kryetarin e grupit parlamentar të Partisë Demokratike, Enkelejd Alibeaj, dështimi i raundit të parë qendron mbi supet e socialistëve, ndërsa tha se procesi është farsë dhe hipokrit.
‘Ky dështim i këtij raundi të parë, ky dështim qëndron mbi supet tuaja. Një orë e më parë duhet të mbani një qëndrim. Procesi ka qenë farsë, jo i sinqertë dhe hipokrit.’- tha Alibeaj.
Përgjigjen e mori nga kryetarja e Komisionit të Ligjeve, Klotilda Bushka, e cila kërkoi që palët të jenë më të përfshira.
‘Palët të jenë më të përfshira, jo vetëm për të dhënë mend!’- tha Bushka.
Një deputet nuk mund të propozojë më shumë se 1 kandidat për President. Kushtetuta e Shqipërisë parashikon që raundi konsiderohet i bërë edhe nëse nuk paraqitet asnjë kandidat. Pra opozita nuk e bllokon procesin as me mos pjesëmarrjen e saj në seancë, që do ta bënte të pamundur plotësimin e kuorumit në 3 raundet e para, 84 vota.
g.kosovari
