Vijojnë radhët kilometrike në pikën e kalimit kufitar të Kapshticës. Bëhet e ditur se përsëri problemi është krijuar nga pala greke e cila po punon me vetëm një sportel.
Duke qenë se në këtë periudhë ka një fluks të madh emigrantësh shqiptare që kthehen në vendet e tyre të punës në Greqi janë krijuar radhë të gjata pritjesh.
Sipas informacioneve zyrtare nga pika e kalimit kufitar të Kapshticës situata po shkon drejt normalizimit pasi pala greke shtoi sportelet për përpunimin e të dhënave të qytetarëve.
Aktualisht ka 1 kilometër radhë nga automjetet që po presin të cilët do të vonohen edhe në varësi të procedurave që ndiqen për shkak të COVID-19.
/a.r
