Nga Armando Meta/
SPECIALE JAVANEWS/ Socialistët kanë venë në krye të axhendës së tyre politike shkarkimin e kryetarit të KQZ-së, Klement Zguri. Kjo u përforcua më shumë edhe pak minuta më parë nga vetë kreu i socialistëve, njëkohësisht edhe kryeministër Edi Rama, në mbledhjen e grupit parlamentar të PS. Socialistët kërkojnë shkarkimin e Klement Zgurit nga detyra e kryetarit të KQZ me arsyetimin për shkelje të rëndë të ligjit të dekriminalizimit. Në relacionin e tyre, socialistët citojnë rregulloren e brendshme të organizimit dhe funksionimit të administratës së KQZ, sipas së cilës Kryetari i KQZ kishte detyrimin ligjor që brenda 10 ditëve nga data 16.10.2017 të thërriste në seancë publike mbledhjen e KQZ dhe të fuste këtë çështje “për shqyrtim”, shkruan javanews/al.
Nisma e socialistëve për shkarkimin e Zgurit duket se do të jetë edhe rasti i parë i shkarkimit nga Kuvendi i një kryetari KQZ-je. Në praktikë krerët e KQZ janë larguar nga ky post duke dhënë dorëheqje, për të mos u kthyer në ‘mollë sherri’ mes pozitës dhe opozitës në Kuvend. Por rasti Zguri është edhe më specifik. Ai erdhi në krye të KQZ në bazë të marrëveshjes Rama- Basha për zgjedhjet e 25 qershorit 2017. Me mbarimin e këtyre zgjedhgjeve pritej që Zguri të jepte dorëheqje, ashtu siç dhanë edhe ministrat e emëruar nga PD gjatë kohës që u zhvillua fushata elektuale dhe zgjedhjet. Por Zguri duket se nuk vendosi të ndjekë shembullin e ish ministrave të PD. Ai vendosi të qëndrojë në detyrë përtej afatit të marrëveshjes Rama- Basha. Ky fakt duket se nuk është gëlltitur nga socialistët, të cilët kanë shfrytëzuar, sipas tyre, shkeljen e rregullores së brendshme të organizimit dhe funksionimit të administratës së KQZ, sipas së cilës Kryetari i KQZ kishte detyrimin ligjor që brenda 10 ditëve nga data 16.10.2017 të thërriste në seancë publike mbledhjen e KQZ, shkruan javanews/al.
Por çfarë thotë ligji për ndërprerjen e mandatit të kreut të KQZ. PS duket se ka zgjedhur nenin 18 pikën dh., të Kodit Zgjedhor, ku thuhet se ndërprerja e mandatit të kryetarit të KQZ bëhet kur ai “me veprim ose mosveprim cenon rëndë veprimtarinë e KQZ-së”. Pretendimi i socialistëve është se Zguri kishte detyrimin ligjor që brenda 10 ditëve nga data 16.10.2017 të thërriste në seancë publike mbledhjen e KQZ dhe të fuste çështjen kryetarit të Bashkisë së Ballshit, Kapllanaj, në seancë “për shqyrtim”. Në rastin e shkarkimit mjafton një shumicë e thjeshtë parlamentare e votave, shumicë të cilën PS e ka në Kuvend.
Kodi Zgjedhor
Neni 18
Ndërprerja para kohe e mandatit të anëtarit të KQZ-së
1. Mandati i anëtarit dhe Kryetarit të KQZ-së përfundon përpara afatit kur:
a) kryen veprimtari politike, njëkohësisht me detyrën e anëtarit të KQZ-së;
b) mbush moshën për pension;
c) vdes;
ç) jep dorëheqjen nga detyra;
d) dënohet me vendim gjykate të formës së prerë për kryerjen e një krimi;
dh) me veprim ose mosveprim cenon rëndë veprimtarinë e KQZ-së për përgatitjen,
mbikëqyrjen, drejtimin dhe verifikimin e të gjitha aspekteve që kanë të bëjnë me zgjedhjet
dhe referendumet, si dhe me shpalljen e rezultateve të tyre;
e) mungon, pa shkaqe të arsyeshme, në dy mbledhje radhazi të KQZ-së, ose në
periudhë zgjedhore për më shumë se 5 ditë;
2. Shkarkimi i anëtarit të KQZ-së bëhet me vendim të Kuvendit, pas propozimit të
KQZ-së për shkaqe të parashikuara në shkronjat “a” “d” “dh” dhe “e” të pikës 1 të këtij neni.
KQZ-ja është e detyruar të fillojë procedurën për propozimin e shkarkimit jo më vonë se 5
ditë nga marrja dijeni për shkakun. Në rastet e tjera të pikës 1 të këtij neni, anëtari i KQZ-së
lirohet me vendim të Kuvendit pas njoftimit nga ana e KQZ-së
