Ministrja e Arsimit, Sportit dhe Rinisë, Besa Shahini, në një deklaratë sot ka bërë me dije disa nisma të ministrisë në kuadër të “Paktit për Universitetin”. Në deklaratën e saj, Shahini u shpreh se universitetet do të kenë dhe ciklin e tretë të studimeve, që janë doktoraturat.
Po ashtu Shahini ka bërë me dije se është vendosur data 8 maj 2020 për zgjedhjet në universitet dhe po ashtu është miratuar një platformë për plagjaturat.
“Me një udhër që nxorra sot është vendosur dhe data e zgjedhjeve për të gjitha strukturat në universitetet e vendit. 8 maj 2020 do jetë data e zgjedhejve dhe fushta fillon një muaj përpara, ndërsa universitetet janë të detyruara që të publikojnë rregulloren e zgjedhjeve”, u shpreh Shahini.
Shahini ka bërë me dije se është gati dhe platforma anti-plagjiaturë dhe ajo duhet të jetë praktikë në punën e universitetit.
“Është prezantuar platforma anti-plagjaturë dhe shumë shpejt do të jetë e përdorur për të gjitha punimet shkencore. Duam që praktika e kontrollit të aplikohet dhe tek sudentët dhe pedagogët. Të gjithë të keni mundësi ta përdorin që studentët të mësojnë se si bëhet një punim shkencor dhe të jenë gati për të bërë dhe një punim për doktoraturën. Blihet aksesti për softin dhe të gjithë universitetet do kenë qasje për përdorimin e softëare, do përdoret si fillim për kandidatët e zgjedhjeve në vitin 2020, dhe më pas do jenë për studentët, ku do kontrollohen të gjithë punimet”, u shpreh Shahini.
g.kosovari
