Ministrja e Financave dhe Ekonomisë (MFE), Anila Denaj tha se, tashmë dikasteri që ajo drejton e ka nisur konkretizimin e bashkëpunimit me Fakultetin e Ekonomisë.
Duke u ndalur në rezultatet konkrete Denaj tha në takimin e bashkëbisedimit që u zhvillua të mërkurën në Tiranë, me studentë dhe pedagogë, mbi ecurinë e “Paktit për Universitetin”, se “janë 170 studentë të ekselencës të punësuar në Ministrinë e Financës dhe Ekonomisë si dhe institucionet e varësisë. 21 studentë janë të punësuar jashtë Shërbimit Civil dhe 119 studentë po kryejnë praktikat”.
“Unë i kam takuar dhe kemi diskutuar për ndarjen e eksperiencave me ta, ndërkohë që po vazhdojmë të komunikojnë se si do të bëhet integrimi i tyre në vazhdimësi”, – tha Denaj.
Ajo shprehu bindjen se studentët e punësuar do të gjejnë një mjedis bashkëpunues dhe do të japin më të mirën për të kontribuar në profesionin që kanë zgjedhur të punojnë duke i shërbyer vendit.
Ndërkohë ministrja Denaj bërë me dije se ka rënë dakord me Fakultetin për disa tema të kërkimit shkencor dhe po fokusohemi me pedagogët për këtë çështje, tha ajo.
/a.rada
