Dy aksidente kanë ndodhur pasditen e sotme në zona të ndryshme të kryeqytetit, ku një kamion dhe një makinë kanë përplasur secila nga një motor. Si pasojë janë lënduar drejtuesit e mjeteve, të identifikuar me iniciale K.H. dhe D. L., të cilët ndodhen në spital, ndërkohë që grupi hetimor po punon për të zbardhur shkaqet e aksidentit.
Tiranë/Informacion paraprak
Më datë 13.08.2021, rreth orës 17:45, tek Ura e Beshirit, një mjet kamion me drejtues shtetasin M. B., ka përplasur motorrin me drejtues shtetasin K. H., 20 vjeç, i cili ndodhet në spital, nën kujdesin e mjekëve.
Rreth orës 17:45, në rrugën “5 Maj”, mjeti me drejtues Y. D., ka përplasur motorrin me drejtues D. L., 24 vjeç, i cili ndodhet në spital, nën kujdesin e mjekëve. Grupi hetimor punon për sqarimin e rrethanave të aksidentit./m.j
