Kryeprokurori Adriatik Llalla ka pritur këtë të premte ambasadorin italian Alberto Cutillo, teksa fokusi i bisedës ka qenë pajisja “përgjuese” dhe hetimet që prokuroria po zhvillon mbi këtë ngjarje.
Llalla tha se Prokuroria shqiptare nuk po heton mbi veprimet e Policisë Italiane, por mbi atë shqiptare.
Gjatë takimit u fol gjithashtu edhe për bashkëpunimin e ngushtë mes dy vendeve në luftën kundër krimit të organizuar, ndërsa Llalla vlerësoi rolin e forcave të sigurisë italiane në shkëmbimin e informacionit me autoritet vendase për kapjen e kriminelëve.
Pajisja përgjuese ishte një nga debatet më të nxehta politike të pak javëve më parë, teksa opozita, konkretisht ish kryeministri Berisha, akuzonte qeverinë dhe Kryeministrin Rama se ai kishte përgjuar disa zyrtarë të lartë të shtetit. Debati kulmoi me deklaratat e kreut të SHISH në komisionin e sigurisë si dhe u sheshua me letrën e dërguar nga autoritetet italiane, të cilat saktësonin se pajisja e sjellë prej tyre, nuk kishte kapacitetet e nevojshme tenkike për të kryer ndonjë përgjim të mundshëm.
Prokuroria ka nisur një hetim mbi pajisjen përgjuese të sjellë nga Iterfoza italiane për motive stërvitore.
/ java/ a.k
