Prokuroria ka regjistruar ditën e sotme procedimin penal për pajisjen e përgjimit të ardhur nga Izraeli, për të cilën ish-ministri i Brendshëm, Flamur Noka tha sot se është përdorur për përgjime të paligjshme.
Burime nga “Panorama” brenda Prokurorisë thonë se ka nisur hetimi, kryesisht mbi bazën e informacionit që është publikuar nëpër media.
Noka tha sot se kjo pajisje përdorej në Aeroportin e Rinasit. “Skandal. Sot siguria kombetare ne kete vend eshte term inekzistent. Skandali që provokoi futja e IMSI CATCHER sot mori permasa te frikshme .
Kapet ne Rinas nje shtetas i huaj ne tentative per te nxjerr jashte vendit nje pajisje pergjimi IMSI CATCHER .Policia e mban te fshehur qe nga dita e djeshme pasdit.
Nuk dihet se sa kohe ka operuar kjo pajisje por nje gje eshte e sigurt qe sapo iku Saje Qorri u nguten ta largojne nga Shqiperia kete pajisje tjeter.Gjithashtu i bej thirrje prokurorise te nderhyje urgjentisht ne sekuestrimin e pajisjes sa nuk eshte vone e te zbardh perdorimin e saj dhe krimin e pergjimeve te bëra”, shkruante Noka në faqen e tij në Facebook.
