“Mendova se burri im kishte dëshirë të ulët seksuale, por rezulton se ai më mirë do të paguante për seks sesa të flinte me mua”, ky është rrëfimi i një gruaje britanike për partnerin e saj.
Rrëfimi: Gjatë gjithë marrëdhënies sonë, ai ka shkuar me eskorta dhe më ka gënjyer për këtë.
Unë jam 36-vjeçe dhe ai 40. Ne kemi qenë të martuar për tetë vjet dhe, ndoshta fatmirësisht, nuk kemi fëmijë.
Jeta jonë seksuale ishte e mrekullueshme në fillim. Por sapo u martuam, ai shumë rrallë donte të kryente marrëdhënie me mua.
Kjo më frustroi, por e pranova si pjesë e tij.
Disa muaj më parë, zbulova një faturë restoranti në xhepin e xhaketës së tij. Nuk kishim qenë kurrë bashkë, kështu që u përballa me të.
Ai pranoi se kishte qenë atje me një grua tjetër me të cilën kishte një lidhje, por që tani kishte mbaruar.
Bashkëshorti pranoi të merrnim këshillim për të rregulluar martesën tonë.
Por në seancën tonë të fundit, ai shpërtheu në lot dhe pranoi se në fakt nuk kishte pasur një lidhje, por gruaja ishte prostitutë.
Dhe kishte pasur një numër të panumërt femrash, gjatë viteve.
Tani e kam dëbuar nga dhoma e gjumit dhe i kam thënë se dua të divorcohem. Por kjo nuk do të ndihmojë në shërimin e zemrës sime të thyer ose të ndryshojë faktin që, pavarësisht gjithçkaje, unë ende e dua atë.
Unë nuk e kuptoj se si mund ta bënte këtë për mua, gjithashtu edhe ai thotë se nuk e kupton.
Ishte emocioni, rreziku, më thotë që për ta shijuar seksi duhet të jetë i “pisët”.
The DEIDRE:Burri juaj ndoshta gënjeu sepse i vinte turp nga e vërteta, dhe një aferë dukej disi më e këndshme.
Por ai i ka përkeqësuar gjërat duke thyer besimin tuaj.
Duket sikur burri juaj mund të ketë një varësi ndaj seksit, në të cilin rast ju të dy do të përfitoni nga një këshilltar seksual dhe marrëdhëniesh.
Nëse, siç thoni ju, ende e doni atë, kjo është diçka që ai mund ta kapërcejë me ndihmë dhe kohë.
Varet nga ju nëse dëshironi të përpiqeni të rindërtoni martesën tuaj ose të largoheni.
Meqenëse ai ka bërë seks me disa gra të tjera, duhet që të dy të kontrolloheni në një klinikë lokale të shëndetit seksual./m.j
