Ministre e Ekonomisë dhe Financave, Anila Denaj, në një intervistë për Report Tv me gazetaren Aida Tancica tha se në paketën e dytë financiare përfitojnë 176 mijë persona të cilët do të marrin vetëm një pagesë prej 40 mijë lekësh. Ata do ta marrin në dorë këtë pagesë duke filluar nga data 20 prill.
Tek kjo paketë e dytë përfshihet për herë të parë biznesi i madh, por edhe biznesi i vogël me deri në 14 milionë lekë xhiro, që lejohej të qëndronte hapur, por që është prekur në fitim për shkak të qarkullimit më të vogël të qytetarëve dhe masave kufizuese.
Paketa e dytë është një zgjerim i paketës së parë, me fokus individët që përfitojnë një shumë prej 40 mijë lekësh e klasifikuar jo vetëm për biznesin e vogël, por edhe për biznesin e madh, duke futur në analizë gjithë bizneset që vetëm janë mbyllur por që kanë pasur edhe një afektim. Numri total është 176 mijë persona përfitues, i ndarë në disa kategori. Janë gati 100 mijë persona që do të marrin 40 mijë lekë individualisht Paketa e parë ishte bizneset e vogla me deri 14 milionë lekë xhiro, vetëm për ato të mbyllurat me vendim të Ministrisë së Shëndetësisë. Tek paketa e dytë futen ata që kanë qenë hapur por janë prekur. Tek kjo pjesë e dytë e pagës, është menduar një shumë 40 mijë që do paguhet brenda prillit”, tha Denaj.
Nga biznesi i madh, janë rreth 66 mijë persona që përfitojnë të ndarë në dy kategori/
40 mijë lekë do të marrin punonjësit në listë-pagesa të bizneseve që nuk punojnë se janë mbyllur me urdhër të Ministrisë së Shëndetësisë.
40 mijë lekë do të marrin po ashtu, ata punonjës që nga marsi janë hequr nga puna, pra janë nxjerrë nga listëpagesat e biznesit të madh.
Ndërkohë, është dhe një kategori me 10 mijë punonjës të turizmit.
Ministrja sqaroi se skema e garancisë është për likuiditete.
g.kosovari
