Pronarët që kanë fituar të drejtën për kompensimin e pronave nga Gjykata e Strasburgut do të marrin paratë brenda tre muajve. Shuma në total është rreth 10.5 milionë euro dhe përfitues janë 54 pronarë, të cilët kishin ankimuar vendimet e shtetit shqiptar në gjashtë dosje.
Vendimi për ekzekutimin e vendimit të Gjykatës Evropiane për të Drejtat e Njeriut është botuar dje në Fletoren Zyrtare dhe sanksionin se, në rast mospagimi të faturës brenda afatit 3-mujor të këtij vendimi, mbi shumat e përcaktuara për çdo pronar paguhen interesa të thjeshta, të barabarta me kursin marzhinal të huasë së Bankës Qendrore Evropiane gjatë periudhës së mospagimit, plus 3 për qind. Efektet financiare të vendimit të Gjykatës së Strasburgut do të përballohen nga fondi i kontingjencës i buxhetit të shtetit.
Përfituesit
Përfitues të fondit 10.5 milionë euro janë pronarët që kanë ankimuar në dosjet “Gjikoli dhe Molla”, “Galanxhi dhe të tjerë”, “Frashëri dhe të tjerë”, “Merlika dhe të tjerë”, dhe “Dhimertika dhe të tjerë”. “Gazeta Shqiptare” publikon listën e plotë me pronarët që do të marrin kompensimin e pronës në bazë të vendimit të Gjykatës së Strasburgut.
Pagesat për vendimet në 10 vjet
Qeveria shqiptare ka paguar 1.2 miliardë lekë për kompensimin e pronarëve nga viti 2005 deri në vitin 2015. Pagesat e faturave janë kryer pas vendimeve të Gjykatës të të Drejtave të Njeriut në Strasburg, e cila u ka dhënë të drejtë pronarëve. Vlera monetare prej 1,1 miliardë lekësh është paguar nga buxheti i shtetit për kompensimin e pronës për 38 vendime të Strasburgut.
Shifrat janë bërë të ditura nga Ministria e Financave. Sipas të dhënave zyrtare rezulton se nga shteti shqiptar në vitin 2005 janë shlyer rreth 16 milionë lekë, në vitin 2006 nuk janë kryer pagesa, ndërsa në vitin 2007 janë shlyer rreth 3,5 milionë lekë. Sipas Ministrisë së Financave, në vitin 2008 janë shlyer rreth 131,5 milionë lekë dhe në vitin 2009 janë shlyer rreth 77,2 milionë lekë.
Mësohet se në vitin 2010 janë shlyer rreth 21,3 milionë lekë, në vitin 2011 janë shlyer rreth 277,3 milionë lekë, në vitin 2012 janë shlyer rreth 8,4 milionë lekë, dhe kompensim fizik për sipërfaqe 360 m˛. Sipas Ministrisë së Financave, në vitin 2013 janë shlyer rreth 112,1 milionë lekë dhe në vitin 2014 janë shlyer rreth 543,9 milionë lekë.
Ministria e Financave shpjegon edhe pagesat që janë kryer gjatë këtij viti si dhe fondin që është në dispozicion të pronarëve. Kështu, në vitin 2015, deri tani, janë shlyer rreth 6,902 mijë lekë dhe mbeten për t’u shlyer: një vendim në shumën 8,1 milionë euro ose 1,14 miliardë lekë, i parashikuar në buxhetin e Ministrisë së Financave për vitin 2015, dhe një vendim tjetër në shumën 650 mijë lekë, i cili është në proces. Për të gjitha rastet e tjera, që mund të miratohen nga kjo gjykatë, në buxhetin e shtetit të vitit 2015 janë parashikuar 2 miliardë lekë.
LISTA ME PRONARET QE DO TE KOMPESOHEN
LISTA, NR. 5207/10
Kurtesh Gjikolli (1925), zëvendësuar nga trashëgimtarët e tij
GJIKOLLI DHE MOLLA, NR. 24468/10
Pakize Zajmi ose Gjikolli, Rajmonda Karapici ose Gjikolli,
Adnan Gjikolli.
Nuri Gjikolli (Xhikaj) (1930), zëvendësuar nga trashëgimtarët e tij Ganimete Xhikaj,
Përparim Xhikaj,
Dhurata Xhikaj,
Adrian Xhikaj,
Pamela Xhikaj,
Velson Xhikaj.
Hysnije Xhikolli (1932), zëvendësuar nga trashëgimtarët e saj; Muharrem Xhikolli (1954), Burhan Xhikolli (1957),
Edmila Molla (Xhikolli) (1959)
Muharrem Xhikolli (1954)
Burhan Xhikolli (1957)
Edmila Molla (Xhikolli) (1959)
GALANXHI DHE TË TJERË NR. 39492/10
Nexhip Galanxhi (1932)
Ylli Galanxhi (1949)
Rozalt Galanxhi (1971)
Fredi Lara (1957)
Florentina Galanxhi (1947)
Esmeralda Trolai (1981)
Lirika Asllani Lara (1946)
Haxhire Zhegu Galanxhi (1938)
Rexhina Lara (1981)
Ariana Lara (1958)
Livia Lara (1990)
FRASHËRI DHE TË TJERË
Orhan Jegeni (1936)
Kapllan Jegeni (1937)
Nermin Bubani (1939) zëvendësuar nga trashëgimtarët
Loredan Bubani (1939), Elvana Bubani ose Zaimi (1961),
Gjergj Bubani (1966),
Suat Jegeni (1942)
Naide Shkodra (Frashëri) (1929)
Fiqirete Frashëri (1930)
Hajri Frashëri (1951)
Hysref Frashëri (1956)
Ilona Ziso (1962)
MERLIKA DHE TË TJERË NR. 40751/10
Gëzim Kaçiu (1956)
Sajrie Kuta (Merlika) (1934)
Lumnije Karami (Merlika) (1937)
Luljeta Ndreu (Kaçiu) 1960)
Liljana Kaçiu (1963)
Shyqyri Merlika (1935)
Kujtim Merlika (1941)
Ilir Alija (Merlika) (1935)
Ardjan Aliaj (1960)
Hysen Kasmi (1946)
Afrim Kaçiu (1958)
DHIMERTIKA DHE TË TJERË NR. 48522/10
Arjan Dhimertika (1961)
Konde Dhimertika (1941)
Engjell Dhimertika (1963)
Jeta Dhimertika (1973)
Evjeni Dhimertika (1938)
Leonora Nika (Dhimertika) (1962)
Gëzim Dhimertika (1972)
BW/d.i.
