“Unë jam nga ata që e kanë mbështetur ndarjen me short, shpërndarja me short është legjitime dhe kush nuk e respekton vendimin nuk mund të quhet më gjyqtar.
Gjyqtarët nuk janë sindikalistë, pasi kanë bërë betimin për shërbimin atje ku ka nevojë atdhe dhe jo atje ku duan ata. Nëse nuk e respektojnë vendimin do të shkëputen marrëdhëniet ekonomike” deklaroi ai.
Pak ditë më parë gjashtë magjistratë, Matilda Fetau, Esmerilda Habilaj, Ina Hoxhaj, Nertila Kape, Yrfet Shkreli dhe Gentian Marku, kanë paraqitur një padi në Gjykatën e Shkallës së Parë Administrative të Tiranës, duke pretenduar se vendimi i KLD për propozimin e gjyqtarëve me short nuk ka lidhje me ligjin, se shorti nuk është kriter për emërimin e gjyqtarëve.
Magjistratët pretendojnë se është cenuar siguria juridike dhe pritshmëritë e ligjshme dhe se është cenuar e drejta për të përcaktuar lirisht vendbanimin, për të zgjedhur lirisht profesionin dhe kualifikimin profesional, se është cenuar e drejta për jetë të qetë familjare dhe se është cenuar e drejta e tyre për t’u dëgjuar para se të gjykohen nga KLD.
Gjashtë magjistratët kanë kërkuar nga Presidenti i Republikës që të pezullohet procedura e emërimit si masë sigurimi padie, derisa të zgjidhet çështja me vendim përfundimtar të formës së prerë.
ma.me
